Britansko bande thaj o makroa keren atakia upral o romane čhija ko droma an i Bari Britania sebepi olengere europakere pasportia.
Kerel pe buti čhienge taro romano nacionaliteti taro Ost Europa so angleder nekobor berša napapa ule thema membria an i EU so si but atraktivno majbut e Aziatenge so mangen prekal fiktivno prandin te resen legalno than jali bukjarno sertifikati bukjake.
O Miroslav Sando o lideri e slovakiakere bukjarnenge taro romano nacionaliteti vakerel kaj šungja akale špekulacianege. Oleske nane odothe khanig navalidno kaj e slovakiakere Romane džuvlja si mangle prandinake sebepi olengere EU pasportia.
Aver rigatar o eks ministeri andrune bukjengje David Blanket vakerel kote asavko legaripa taro o Roma ka iranel e dizutnen mujal e Romen. Isi džanlipa kote majhari duj azisko murša taro Šefild si pučle an i policia sebepi so targetirinen sine tikneberšengere romane čhijen. Majbut olendar si Pakistancia so roden Romane džuvlen sebepi prandin, olenge jali olengere paše familiake so mangen te džan taro Pakistan te aven an i Britania.
Jekh anonimno membro tari romani jekhin e mediumenge kaj o “terne džamutre” mukhen pe e romane džuvlenge vakeren lenge kote si but šuže, len len pe autoja te šaj oven sikavde kaj si but mangle. Numa kana ka prandinen pe palo desave masekoja mukhena len.
Gjulnaz Husein tari pakistansko jekhin vakerel kaj džanena kote i prandin si taro interes realno pučiba , na salde akate thaj odova na trebel te ignoririnel pe.
– Amen keraja lafi e čhienge thaj olengere familienge , sar ola uraven pe thaj tergjon ko droma , kana ka perel i rakj – vakerel ov.
O Husein vakerel kaj šungja kote o gadže počmingje te len hapia bašo psihološko sasljariba sebepi so si telel o stresi so keren o Roma.
