I Nesime Selioska tari biradžakiri organizacia “Roma SOS” beršencar kerel buti re problemea an i edukacia thaj buti ki romani populacia. Oj vakerela kote i nabari edukacia ko Roma našti istemalkerel o “sar argumenti” .
Majbut so šunav sar džovapi ko pučiba “soske i romani populacia si ko kontinuiteti 70 dži ko 80% bizi buti”?, si kaj o Roma si našukar hali faktea kote kana roden buti nane len o nivelo tari edukacia te oven majkonkurentno an i berza bukjake.
Numa bisterel pe o fakti kote ki paralela e 2005 berša , avdive isi duplo pobut diplomirime Roma taro diferentno fakultetia, a trin drom majbut Roma so agorkjergje mašakrutni edukacia, thaj si jekh a jekh o nivelo taro bibukjarnipa.
Akatar dikhela pe kote nane o fakti kaj nane educirime Roma , numa šajdipa sar dikhen e Romen ki berza e bukjarnipaske – vakerel i Selioska.
Oj notiringja pobuter egzamplia tari diskriminacia so vakergje o roma so rodena sine buti a sine ki olakiri biradžakiri organizacia. Majbut replike so o Roma resena sine kana apliciringje bukjake ko privatno sektiri sine akala:
” Na kamav Romen an i nli firma”
“Aj ka dikhav pa ka rodav tut”
„A tu džane te kere buti? Garant džane te giljave jali te khele”
„Sar to anav? Romani sian? Na ličinea”
Premal i Selioska diferentno si o komentaria so o Roma resena kana mangente resen buti ko themakoro sektori. Majbut olendar si akala:
„A tu tari savi politikani partia sian?. Ka ave li ki mli partia te čhivgjum tut an i buti?”
„Pa na sien samo tumen o Roma bizi buti, isi aver da. Isi tumen “Romani Dekada” roden odori buti.”
„Džanav kaj isi tut diploma numa šaj te čhivav tut an i buti salde sar higieničari te mangljan”
O Roma premal i Selioska raritetno anen decizia korkoro te khuven ki buti soske o danokia , pridonesia, administrativno procedure si but kuč.
– I diskriminacia, stereotipia, segregacia si aktuelno thaj ola hulaven o drumo tari intergacia e berzake tari buti an i Makedonia, a na i edukacia thaj o džanlipa, mazunipaske – vakerel i Selioska.
Link : http://fokus.mk/fokus-express/koga-imeto-i-bojata-na-kozata-se-presudni/
