I Mihajlović an i pres konferencia e žurnalistenge akcentiringja kote i diskriminacia upral o Roma an i Srbia isi, dikhli si thaj trubul te kerel pe buti an i olakiri eliminacia.
“Amen zorale siem hulavde sar Govermenti kote ma te ova salde ofiso numa te kera barabutne buti ko lačhariba i situacia e romane jekhinake. An i Srbia isi but buti, numa majbut trubul te kera buti an i edukacia thaj sastipa e Romenge” vakergja i Mihajlović.
Oj vakergja kote 2.1% taro Roma trubul te dživdinen telal jekh a jekh standardia sar o aver dizutne an i Srbia.
Oj notiringja kote kerdo si geografsko informativno sistemi thaj dži akana detektirime si 536 romane mahale, thaj kerdi si strategia socialno inkluziake e Romenge an i Srbia taro 2016 dži ko 2025 berš.
