-Mo Rom vakergjamange nesave bukja bašo Islam thaj me prifatingjum . Ko starti ,sine sa ok . Numa kana gelem ki Sirija sa o bukja irangjepe, vakerela i Makfireta.
IMakfireta lelja pe čhave thaj geli tari Turkia khuvgja ki Sirija kote sine trin masek ko Raki, kova so vakerelape sar šerutni diz tari Islamsko them .I Makfireta i romani dzuvlji kote so sinela pashe ko 20 berš , vakerela kaj sine ko apartmani bašo džuvlja thaj čhave,
-Sine ate dzuvlja tari Francija , Germanija , Švajcarija, a sine thaj džuvlja taro Zagreb, Beograd, majbut sine tari BiH-vakerela oj.
Sar so vakerela sine sasti bunimi
– Nisar našti haljovava so ovela mancar odothe, darava sine ko sasto vakti. Darava sine mange numa majbut me čhaveske.
Lakoro pral sine mudardo ko maribe ki Sirija . Oj ko Fevruari 2014 pe romeja thaj pe chaveja irangjape ki Srbija. Sar so vakerela vakergje lakere romeske agjar te kerel .
Palo iranibe ki Srbija , o Specijalno kriso došakergja e Makfiretakere rome o Ferat Kasumovič (32),soske bašo džihad ubedingja jeke themutne tari Srbija , savo mulo ko maribe ki Sirija.
