Ko internet sikavdi si klipi sar fudbalsko fani urinirinela upral romani džuvli so mangel devlenge.
Ov dži kote urinirinel sine saste sine teloikerdo taro grupa fania e fudbalsko klubeske Sparta Praga so si snimime sar ponižinela e Romnja an i šerutni diz e Italiakiri ko Rim.
E čehiakere fania ale an i akaja diz ko vakti taro fudbalsko meči tari Liga e Europakiri ko meči e Lacioja.
Prekal o špansko veb sajti Marca.com, grupa fania ale uzal i romani so mangel sine devlenge thaj kergen sine simulacia taro uriniriba upral olate. Jekh olendar mukhlja e romane džuvlja te ikljol tari kerdi rota ko kočaka puzibaja.
Akava bilačho akti sine snimime taro jekh špansko turisti so i snimka čhivgja la ko Jutjub. Ov sine signaturimo sar Kasto Lopez kaj hulavel o klipi ko socialno netvorko, kote e manuše identifikujngja le sar fani tari Sparta Praga, trujal so odova panda nane zojrakerdo.
Link: http://www.mirror.co.uk/sport/football/news/sparta-prague-fan-filmed-urinating-7580752
