Sar kergje relaksacia e aktenge sebepi I pandemia tari koronavirusi , o thema tari EU počmingje te pitren pire simantre , em buteder pučena pes kote šaj te džan ki feria – odmor.
E grciakere simantre palem ka oven phravde ko 15 juni ama samo e dizutnenge tari Germania, Kipar, Israel, o Balkani em o baltičko thema. E turistenge ka ovel mukhlo te khuven ki Grcia bizi negativno testi taro COVID 19 jali karantin kana o internacionalno aeroplaneskere rute palem ka počminen taro 1 juli, havljarel o Euronews.
I Bugaria havljarela kaj ka phravel ple simantre e Srbiake em Grcia taro 1 juni.
I Croatia palem phravel pire simantre baši Slovenia ko maškar taro maj a ko 29 maj val ka kerel e Austrijaja, Čehia, Ungaria em Slovakia.
I Ungaria phravel pire simantre e Romaniake a ko jekh e Slovakiake em e Čehiake ama limitirime.
I Špania palem ka phravel pire simantre e turistonge taro 1 juli.
E franciakere simantre ka ačhon pšhanle majhari di ko 15 juni trujal I dizutnenge tari EU so si ki Francia , sezonsko bukjarne em dizutne tari EU so keren buti ki Francia.
Ki Germania kontrola e simantrencar tari Austria, Švajcaria, Francia em Danska a o dromarutne so aven avionencar tari Italia em Špania ačhona validno dži ko 15 juni.
O simantre tari Britania ko momenti si phravde . Taro 8 juni o miasfiria so si taro stranstvo ka oven ko karantini 14 divesa.
I Austrija planirinela saste te phravel ple simantre e Germanijaja , a taro 27 maj em e Slovakiaja em Ungarijaja, ama si limitirime .
I Holandia o simantre si phravde bašo sa okola so dromaren ki Šengen zona,ama vakerenma te dromarel pe ako na trubul. E Belgiakere simantre si panda phanle.
