O biznismeni thaj eks dizjakoro šerutno Trifun Kosotvski prekal o khedipa ” O manuš anglal sa” ka ovel korektori sar e legaripaske agjaar thaj e opoziciake. Akava havljargja le ko phraviba e terne kluboske taro oleksoor khedipa. Na inkonektirinela akava khedipa te ovel thaj politikani partia numa sar so vakerela odova athinel thaj taro aver partie.
Edukacia, sastipa thaj o avutnipa e ternenge ka oven o trin nukte so ka fokusirinel pe o khedipa ” O manuš anglal sa” O Kostovski bičhavgja mesaži e politikane partienge te na istemalkeren e manušen ko angloalusaribaskere kampanje bizo te keren o dendo lafi. E ternengoro klubi ka kerel buti te arakhel faisali sar te ačhon o terne an i them. O Kostovski hošinela pe sar došalo bašo sa so na kergja an o sasoitnipa, numa o formiriba akava ternengoro klubi hošinel le sar baro dive oleske.
