O Roma ki Bugaria si majbaro numero nacionalno minjoriteto an i Europa. O Roma ki Bugaria keren lafi „bugarsko, khorane em romane ko athinalipa e regioneske em olengoro religisko preperutnipe“
Aso agorutni statistikani gejnibaskiri operacia taro 2011 berš , o Roma si 325.343, so si paše 4,4% taro sa nacionalitetoa ki Bugaria, kote sar antvorto šaj alusarel pe salde jekh etnikani grupa em 10% taro sumarum dizutne na dengje džovapi ko pučiba savi etnikani grupa si. Ko finalno raporto tari staistikani operacia bičhavde dži ko Eurostat , o autoria e statistikane operaciake (Nacionalno instituto baši statistika tari Bugaria) vakergja o rezultatia tari akaja operacia taro etnikano preperutnipa sar paše ”but bilačhi manipulacia”
Ki angluni kerdi statistikani operacia taro 2001 berš sine registririme 370.908 Roma (4,7% taro dizutne). I statistikani operacia taro 1992 berš registriringje 313.396 Roma (3,7% taro dizutne), a I garavdi statistikani operacia taro 1992 berš rodimi tari policia notirimo si numero taro 550.000 Roma (6,5% taro dizutne); O Ministeriumi andrune bukjenge dengja dekreto bašo majhari panda duj garavde statistikane operacie ko Roma, okova ko 1980 berš registriringja 523.519 Roma, a okova taro 1989 berš notiringja kaj o Roma si 576.927 (6,5% taro dizutne) so odothe jekvaš thaj pobuter o Roma identifikujngje pe sar Turklie.
Majbaro kotor taro procentia 200.000-400.000 muslimania Roma tendencia sine te identifikujme sar etnikane Khoraja , neko negirinel piro identiteto jail aver identifikujnen pe sar Bugaria.
O demografsko kolaps ki Bugaria kerel presia sar etnikani grupa trujal o Roma. Aso informacie tari Europakiri komisia, kote so preperel em o Eurostat , o Roma ki Bugaria si trujal 750.000 em si 10,33% taro dizutne.
O NGO sektori notirinen kaj o numero taro Roma ki Bugaria si duplo majbaro, em o nataliteti ko Roma bajrola prekal 35.000 ko berš.
