Ki konekcia bašo o kerdi protesti e Romengoro , o Ministeriumi baši buti thaj sociala (MBBS), notirinel kaj si manipulirime thaj teleperavde taro Javno komunalno firma tari Gevgelia thaj o gevegelisko dizjakoro šerutno so kergje angažmani an o Tranzitno migrantsko centari “Vinojuf” bizo desavo Kontrakto bašo angažiriba so trubul te ovel premal o kanoni baši buti.
– O lokalno legaripa tari Gevgelia na den džovapi an o akharina bašo dikhiba an o Ministeriumi baši sociala , a o Javno kompania na mangel te kerel signatura o Kontrakto bašo barabutno butikeripa e Ministeriumea kote ka šaj te arakhel pe finansisko pukjiba e kompaniake kerde Kontraktea e donatorea.
Našipaja taro džovaplipa so keren akava neseriozno buti baši akaja migransko situacia thaj leiba angažmano e institucienge , lokalno legaripa telal partisko direktiva o problemo so si kerdo akana čhuden upral o Ministeriumi baši sociala, akcentirinel pe an i hramosardi reakcia taro MBBS.
O ministeriumi akcentirinel kaj faisali e problemeske palo dujsaatengoro dikhiba e membroncar so keren o protesti thaj o ministeriumi baši sociala ande si nekobor decizie kote so o MBBS si kontra o vakerina so si vakerde an o mediumia tari rig e manušennge so kergje o protesto .
– Sine phanlo lafi kaj angažmano taro higieničaria kaske si len pozitivno percepcia bašo olengoro dži akantutno butikeriba , thaj o aver nane so nane te len angažmano an o MC”Vinojug”, Javno komunalno kompania te roden angažmano prekal o Proekti bašo saste butikeripa so rodela i Komuna Gevgelia.
O membria taro higieničaria notirinena kote trujal so dži akana na rodingje dikhiba e lokalno legaripaja so bukjjarne angažiringje olen, ka roden dikhiba thaj ko dizjakoro šerutno tari Gevgelia thaj ki direktorka e JKK, informirinen taro Ministeriumi.
