O počesno hrvatsko konzuliki Barselona si telal o rodaripa soske i katalonsko policia šubikerel le kaj kaergja nakanonikano akti malverzacia lovencar em del suporto e kriminalno grupake.
O konzuli Žuli Barsena San Hose si šubukerdo kaj lela sine love taro bikiniba droga a palo odova investirinel sine ko nadvižno imot em luksiuzno vordona so ko nalegalno forma e kriminalno grupake garavel sine o love .
Telal rodaripa si o počesno konzulia tari Albania em Mali o Hose Maria Kalmet Iglesias em o Hose Lusi Lops Fernandes so si šubikerde odole aktenge.
I katalonsko policia havlajrel kaj ko 18 septembro persi berš astargja e manušen e m e počesno konzulen tari Barselona si telal o rodaripa vakerel i katalonsko policia.
Kerel pe lafi bašo familiarno klani Jodorović tari Romania em Ungaria so si upreder 80 berš odori em vakeren kaj o klani si pendašrdo e policiake soske kergje aver da nakanonikane aktia drogaja em šastraja.
