Teleperavde tifozengere parolencar , idžiratui palem si vandalizirimi i Islam – aga džamia an o Niši, trujal sastediveseskiri kontrola tari policia kote akava religiakoro objekto si panda taro 1720 berš . Sar so notirinen i niško policia o duvar tari džamia so si ko drom General Milojko Lešjanin hramosardo si grafito paše ko 2 pali i rakj ko momenti kana i policia sine avere rigatar akale objektoske.
Kergja pe opservacia taro kriso kaj “nane lementia bašo došperavipaskoro akti” vakeren tari policia.
Akava mesaži sar so notirinela o Dragan Džordžević taro Ofiso e Manušikane niamenge Kris nane elementia daravinake numa majpakjavutne kerel pe lafi bašo “klasično tifozengoro konflikto” thaj notirinel kote i them trubul te kerel protektiva religiakere objkektoske so si taro nacionalno minjoritetia.
I džamia si vandalizirime nekobor droma anglder trujal fizičko kontrola thaj protektiva . Trubul video kontrola sar so si kerdo ko lipar taro Šaban Bajramović, kote angleder sine nekobo droma vandalizirime, numa pali čhivdi video kontrola odova nane. akcentiringja o Džordžević.
Islam aga džamia si telal i protektiva e themake taro 1954 berš. Vazdimi si ko 1870 berša upral o temelia tari purani džamia so datirinela 1720 berš. Oj si jekhutne arakhlo religiakoro objekti taro barabutne 19 džamie kobor so isi an o Niš ko vakti taro Osmalinsko periodi.
