I Olgica Spasić (22) taro Čačak šubikerel e komunalno policajco M.Dž, kote ratvargja la ko vast ko momenti tari intervencia ko namukhiba ilegalno bikiniba cigare ko kurko ko Čačak.
Akaja terni daj taro dujbešengoro tikno čhavo sako dive bikinel sine dahani an o kurko ko Čačak. Trujal so džanel kaj akava si nalegalno bizniso numa na sine la aver opcia sar te parvarel ple čhave.
Persi kurko sine la čačutni drama ko kuirko ki ničali akcia e komunalno policiatar.
” Dikhljum kaj avena, čečkum o gono e dahanea, thaj khuvgjum ko kurko. Pali mande prastandilo o komunalno policajco M.Dž thaj astargja mo gono. Numa odova na sine leske dosta pa astargja man taro vast . Mangljum te chidav mo vast olestar numa ov odokhare stegingja ole so peljum ki phuv a ov vlečinel man sine. O manuša so dikhle sine šokirime thaj vakeren sine te mukhel man ama ov namanglja ni te šunel odoleske. Vakerav leske sine te mukhel man em rovava sine soske but dukhala man sine mo vas, numa ov panda vlečinel man sine. Pučljum le soske kerel mange akava, ni čorgjum ni mudargjum nekaste.
Oleste na interesirinela le sine ništo, numa vlečinel man sine brutalno premal o iljovibaskoro than taro kurko. Sa odova dikhel sine thaj o načalniko taro komunalno služba , na kergja nisavi reakcia numa del sine vika upral mande ma te pištinav em rovav” – vakerela i Olgica Spasić.
Kana sa akava agorkergja ali i policia, thaj kana vakergjum olenge so kergje mange, ola vakergje kaj šaj te džav an o doktori thaj te ikavav doktorsko dokumenti. Gelum ko Urgentno centari kergje mange kontrola thaj sine konstatirime distorzia an o mo vast thaj sine mange čhivdi longeta te legarav efta divesa.
– I dukh ka nakhel, numa majbut so dikhala man si so tretiringje ma sar desavo džukel. Neka hramonen globa, na vakerav na, đanav kaj kergjum akti mujal o kanoni te šaj parvarav me čhave, numa nane len niami te maltretirinen ma ko asavko čhani” vakerel i terni romani džuvli.
Linko: http://ozonpress.net/drustvo/komunalni-policajac-prodavacicu-vukao-po-pijaci/
