I tikni Monika K. (12) taro pašipe taro Niš , I tikni romani so sine kidnapirime 10 divesa tari rig e šubikerde N.J. popendžardo sar Malčansko beriberi , akala divesa sine mukhli tari Čhavorikani klinika ko Kliničko centro ko Niš ko kherutno sasljariba.
“Sare udžargjam akava dive kana amaro čhavo ka avel peske khere em I sasti agonija ka čhinavgjovel “vakergja I daj I Aleksandra.
I Monika ko drumo dži ki škola sine kidnapirimi em 10 divesa ikergja la o N.J so garavel pe sine ko mukhle khera ko regioni taro Niš em Knjaževac.
Ov kana astargja le i policia vakergja: „ kaj i policia bukvalno nakhel sine paše olende“
O rodaripa palo olende ko regioni taro Knjaževac ko 29 decembro o dizutno odole gaveskoro o Emil Savić avilo ko plo kher em dikhlja e čhija a o kidnaperi našlja prekal i pendžerka.
I čhaj sine arakhli dživdi ama saste ćhindi taro phiribe. Oj palo biš dive nakhle ko hospitalo aso o doktoria sine mukhli khere.
Anglal olakoro familiarno kher sine udžardi tari najpaše familia, amala komšie te dikhen la em te iranel pe pire kuklenge em nekanutno dživdipa.
