Ki organizacia tari Asociacia „Romano Ilo“ dešto drom ka organizirinel o Romano muzikakoro festivali „Roma Fest“
Notirinel pe kaj akava da berš o muzikakoro festivali ka ovel jekh taro majšukar editorialia a odoleske si fakti thaj o misafiria so ka len than ko festivali , I publika, em o asamblia thaj sa okola so mangen I Romani muzika.
Odoja rakj sar misafiria ka oven: Vlatko Stefanovski, Ernest Ibraimovski, Sašo Gigov – Giš, Lenče Dimovska. Ibuš Ibraimovski, Ali Bajram, Dželjo Destanovski em o orkestar taro Džambo Agušev.
O festivali e Romane muzikake – Roma Fest 10 editoriali ka ikerel pe ko 28 Novembro 2019 berš ki Nacionalno Opera thaj Balet, taro 18:00 o časo, a o khujbe si bilovengoro.
