Akale romnja isi la efta čhave a adžikerel oftoto. Reslja lake globa tari them soske o čhave na džan an i škola. Na mukhela len soske e migrantia taro Kosovo an i them but phare dživdinen.
Mangaja an i škola, amen da siem manuša, stop baši diskriminacia. Akale parolencar protestiringje o migrantia taro Kosovo tari kriza ko 99-to berša thaj odova anglal o opfiso taro UNHCR. Rodena araka soske kotor olendar našti lena themutnipa a kotor nane len fundavno šartia dživdipaske.
Taro UNHCR vakeren kaj i adresa taro protestia si ko aver than a na anglal olende trujal so akaja organiyacia kerel opservacia e statuseske taro migrantia.
-Amen taro UNHCR sako drom džaja taro mangina e migrantengere a odola si duj faisalia te iranen pe an o Kosovo jali te ačhon akate. Te mangle te iranen pe ka teloikera olen, a te ačhile akate ka valjani te keren integracia an i them, vakerel o Mohamad Arif taro UNHCR.
O ministerka baši sociača vakerel kaj keren sa so šaj. Pukjinen olenge kirija thaj den len socialno.
Šel migrantia si thanjarde an i centari an o Vizbegovo. Trujal so si akate 16 berša ,majbaro kotor olendar so integririme an o sasoitnipa. Ola udžaren pobari arka taro organizacie thaj tari them.
