Pobut taro niško Roma pakjana an i legenda baši Zajde Badži, legenda kote kerel pe lafi baši terni džuvli i Zahida so but pakajala sine an o Devel. Prekal i pakjiv oj sine lendi sar evljatrin taro barvalo Turko so gelo an o hadžiluko. Kana avel sine o baro dive Bajram olakiri makjia kergja but hajbe, i Zahida palo lungo dejbe zori lelja jekh saani hajbe thaj geli an i Meka. Ko than tari i porta e dizjake kote avdive da khuvel pe ko Niško kale oj legargja prekal dizjakere barikade thaj rupe te resel dži odothe.
O Alija Saćipović baši odoja legenda vakerela: “Na irangja but vakti. Gele te roden ola thaj arakhle salde olakere papuče. Rodena la sine numa bizo sukcesi. Numa jekh dive arakhle tepsia pherdi hajbaja thaj aver bukja thaj kotora taro olakere šeja, so sine nišani kaj si olakere. Taro odova dive pa naakari sako ko mangel te ovel ole baht, lačhipa an o dživdipa. džana ko odova than tharen momoli thaj avdive da”.
Agjaar odova than trujal o duvar tari niško kale ulo kultno than deceniencar o Roma avena ko štartodi, sasto dive ko odova than sar so pakajala pe našavdili i terni Zahida.O Roma akate avena individualno, vakerel o Alija kana odoleske isi len zori, anen bakšišia da e Zahidake thaj mangen olatar arka. Jekh olendar si thaj o Nikola Ališanović: ” Sastipaske, bahtake, mangipaske…Aven em Srblie em Roma akana počmingje te aven thaj o Srblije.
Ko dive ko štartodi aven po desavo drom 30,40 50 manuša , tharen momoli, bešen vakeren plo pharipa, neko vakerel ko glaso, neko ki peste. Okola so nae len love , nae len buti, nae len baht ko mangipa, aven roden, thaj nekaske phergjol i mangin”.
Premal o lafia taro sociologo Dragan Todorovič kultno thana si interesno soske kerena uniba e vernikonge thaj olengiri religia an i bibaht, a i Zajde Badža akava niško kultno than so kerel uniba e manušenge taro diferentno religie. Odothe palo rodiba arka, pošukar dživdipa, sastipa, , nesave individualno jaziakekote šaj ovel majšukare, ka arakhen jekh uzal aver Roma muslimania, Roma hristiania em Roma protestantia, arakhen pe thaj okola so nane len religia, a šaj arakhen pe thaj naroma. Numa ko majabro numero si o Roma. Odova si buvli paleta manuša so isi len bibaht, thaj anel len ko odova than”.
