O Sojuzi e Romengoro tari Makedonia majzorale reagirinela an o populizmi e vd tehničko ministerka baši buti thaj sociala Frosina Remenski.
E Romen trebel te vizitkeren pe sako drom a na salde anglal alusariba so ka ikeren pe ko 5 juni kote o Roma ka hanginen okolenge so isi le Programa e Romenge thaj okoleske so kerel investivcie an i Šuto orizari a odova si o VMRO – DPMNE thaj i koalicia.
O VMRO-DPMNE thaj i koalicia ko agorutne berša investiringja an i Šuto Orizari nekeobor milionia eura, a o SDSM 50 beršenge jekh češma na kergja an o Šuto Orizari.
Te lipara e tehničko ministerkake Remenski kote majbaro kotor si socialcia thaj tehnološko nabukjarne so si kerde ko tumaro diskriminatorsko legaripa kote o Roma sine avgo”bašo paldiba” taro odola kompanie.
Ka lipara e tehničko ministerkake Remenski kaskoro mandati ka agorkerel ko 5 juni na valjani te kerel manipulacie e romane populaciaja kaj oj palem ka kerel te len palem socialno, numa valjani te del antvorto ko pučiba soske olakere nakanonikane čhivde direktoria nakanonikane čhinaven o socialno e preperutnenge tari romani populacia.
Dali tumen ka legaren o džovaplipa sar vd tehničko ministeri limitirime deciziencar te parafirinen faisalia e nalegitimno manušenge te čhinaven o love.
Ka avel thaj 5 juni ka agorkerel o haosi so tumen kergjen ole tumare avibaja sar vd tehničko ministeri baši buti thaj sociala.
Te lipara kote ko nakhle 7 berša dende si 3.000 stipendie e siklenge e Romenge, kerdi si nevi maškarutni škola an o Šuto Orizari kote o SDSM ko olengoro vakti na kergje investicia ni jekh denari.
O Roma nane niked te bistren o devalviriba so si kerde ko vakti taro SDSM thaj sako drom ka oven globime jekhe bare NA bašo SDSM. – tergjol an i reakcija taro SRM
