Angleder nekobor saatia peli i perda tari majglamurozno holivudsko manifestacia. Sar sako berš dende si o phursakia Oskar so ikergja pe an o Dolbi Teatro an o Holivud.
O Kris Rok sine legarutno e publikake ko vakti taro nekobor saastengoro phursakeriba e majšukar ko nakhlo berš tari filmsko lumia.
O „Spotlight“ sine havljardo sar Majšukar filmi , a reslja o phursako thaj bašo Majšukar orginalno scenario.
O leonardo Di Kaprio reslja dži ko plo avgo statuetka ki kategoria – Majšukar akteri an o filmi „The Revenant“. Baši majšukar akterka sine alusardi i Bri Larsonza e roljake an o filmi „Room“.
O Alexandro Injarity dujto berš ko niče čegarel i statuetka sar Majšukar režiseri.
I statuetka “Majšukar akteri an i sporedno rolja geli ko Mark Rajlens ko filmi „Bridge of Spies“, a Majšukar akterka ki sporedno rolja si alusardi i Alisia Vikander ko „The Danish Girl“.
„Amy“, filmi so kerel naracia e storiake an i akana muli Ejmi Vajnhaus, reslka statuetka Majšukar dokumentarno filmi. O filmi taro Dizni „Inside Out“ sien havljardo sar Majšukar animirimo filmi.
O Sem Smit reslja i statuetka Majšukar gili baši „Writing’s On The Wall“ – legarutni numera an o filmi „Spectre“.
„Mad Max: Fury Road“legargja viktoria ko šov kategorie maškar thaj bašo Majšukar kostimografia, thaj Majšukart šminka thaj frizura.
I sasti lista taro okola so legargje o phursakia šaj te dikhen la akate : http://oscar.go.com/news/winners/oscar-winners-2016-see-the-complete-list
