O atakia upral o emigrantia so sine kerde persi nilaj ko Kemnic , Saksonia sine planirime taro nacionalno radikalia sar šaj te dikhel pe prekal olengiri on line komunikacia maškar peste , kote hramosarel kaj ka džan ko “lov”
O informacie akale fakteske sine notirime persi masek ki konekcia tari informacia dži ki policia tari rig e germansko radiodifuzeria NDR thaj WDR thaj i gazeta „Suddeutsche Zeitung”
Ki Germania iklile zorale politikane debate trujal persiberšeskoro atako sar džovapi ko mudaripa jekhe 35 beršengere murše ki odoja diz ko pašipa e čehiakere simantraja thaj odova dikhel pe kaj sar paldiba e imigranten tari rig e radikalenge.
Odola kurke taro protestoa ki diz so si le paše 250.000 dizutne sine kerdo sar džovapi ko mudariba taro Daniel Hilig , kote jekh terno themutno tari Siria akana sig sine krisime taro Krisi 9,5 berša phanlipa.
O aver šubikerdo akale akteske , terno themutno taro Irak , panda si ko tromalipa. Palo odova mudaripa pobuter demonstrantia so sine ko Kemnic maškar lende sine em but radikalno nacionalistoa.
