O rajo Ian Hancock so an i plejada romane aktivistia thaj intelektualcia kote sa akala berša kergja buti upral i Romani kauza. Ov si Rom tari Amerika – Teksas. Ov sine delegato an o Jekhto IRU Kongreso an o London 1971 berš.
Ko plo hramosardo lil dži ko organizatori e 10-to IRU Kongresoske o rajo Zoran Dimov, o Ian Hancock notirinela kaj akava kongreso an o Skopje so ka ovel taro 18 dži ko 20 marti 2016 berš si šansa e majterne generaciake romane intelektualcia te vazden o prioriteti e romane populaciakoro an i lumia, thaj te anen nevi demokratsko bavlal an o romano aktivizmi.
Ov vakerel kaj akaja nevi garnitura barabutne e purane IRU aktivistia maškar so si thaj o Ian, Grattan thaj aver, ka den sa pestar te šaj te resel pe majlokheste i demokratsko tranzicia an o IRU thaj majlačheste butikeriba.
Ov džanel kaja akava IRU Kongreso an o Skopje ka anel panda majzorali organizacia thaj majzorali koncepcia an o butikeripa an o IRU prosperiteti” – tergolj an o lil taro romano aktivisti thaj delegato an o jekhto IRU Kongresi an o London 1971 ber o rajo Yanko le Redjosko – Ian Hancock tari Amerika – Teksas.
