O Roma an i Grcia anavkeren pe panda sar Arlie, Tsigganoi jali aver teleperavdi konotacia sar so si o termini Gyftoi. O numero e Romengoro an i Grcia ko momenti si paše 200.000 thaj 300.000 Roma.
O Roma avena tari Nord India, majpakjavutne taro indiakere thema Radjastan thaj Pendjab, kote sikavde si lingvistikane faktia si o darhie e romane čhibjake an i India: i čhib si la gramatičko karakteristike an i indiakiri čhib thaj akcie, baro kotor si len fundavno leksikoni ko egzamplia kotora taro manušikano trupo thaj diveseskere aktivitia.
O Romano dialekti fundavne hulavel pe ko fundavno leksikoni an i hindu thaj pendjap dialekto. Hulavel but fonetsko karakteristike e marvarencar thaj olengiri gramatika majpaše si e bengalsko.
O genetsko studie taro 2012 berš o parapaia aven tari utarpaščimali India thaj aven sine ko grupe. Prekal genetsko studia an o 2012 berš o parapaia akanutne nomadenge thaj kastenge tari India so tradicionalno anavkeren pe sine sar Doma majpakjavutne si nomadia taro akanutne generacie europakere Roma.
I historia e Romencar an i Grcia startujnel ko IX veko . O termini Cigan istemalkeren po desavo drom e Romenge baš alo tari purani Grcia gndibaja akale manušenge kaj aven taro Egipet .
Sebepi olengoro nomadsko natura ola nane koncetririme an i jekh geografsko forma, numa dispanzirime an i sasti them.
Majbaro kotor taro grčko Roma si hristiania, thaj keren i romani čhib, grčko dialektea. Majbaro kotor taro Roma so dživdinen an i Paščimali Trakia si muslimania thaj o dialekti si jekh a jekh e avere Romencar.
Ko pobaro kotor tari Grcia o Roma si hristiania thaj lena o grčko identiteti sar so si anava, čhib thaj aver, dži kote o potikno kotor olendare o muslimansko Roma koncetririme an i Trakia o Musilamnsko Roma dikhen majbut e turkiakoro identiteti.
