Alfonso Mejia – Arias si meksikansko muzičari, publicisti, social aktivisti thaj političari. Ov si Rom – Gotano. Biamo si an i diz Verakruz, Meksiko ko 11 septembro 1961 berš thaj majbut dživdinel sine an o Meksiko Siti pe familiaja.
Panda ko čhavoripa sikavgja afinitetia premal i muzika. Studiringja violončelo, historia e arteske, etnomuzikologia thaj orkestarsko thaj horsko muziciriba ko Nacionalno konzervatoriumi e muzikake, an i Nacionalno škola muzikake an o UNAM. Sar siklo ko akaja škola sine predavačia sine Barbara Kaminska (Polska), Enrikue Marmisolle, Jorge Cordova, Leonardo Velazquez thaj Christian Caballero Sine ko jekh ko sikljovipa ko master kalseri taro Jo-Jo Ma thaj Mstislav Rospotovič.
O D-r Mejia – Arijas si sepcijalisti japonsko tradicionalno muzika thaj si pendžardo an i Japonia. Ov si membro ko Orketsarsko dirigentsko ofiso taro Ištvan Leneker an o Njujork, SAD, San Salvador , Republika El Salvador.
Ov studirinel sine thaj an o Toyohashi, Nagoya, thaj Bisen, Okayama an o Japan, New York, Los Angeles California, USA.
Alfonso Mejia – Arias lelja than an i meksikansko politika thaj kergja kandidatura sar deputati an i Liberlano Meksikansko Partia ko 2003 berš.
Phravde dela sine kritike e govermenteskere politike , hramosarel sine publikacie , dela sine kritike vaš i korupcia, phagiba manušikane niami thaj e meksikansko minjoritetia sar so si i Romani populacia so ale an o Meksiko
