O biš thaj duj beršengoro Erdžan Sadiki , si terno Rom taro Skopje. Ov sako dive tari javin dži rakjate ko ventari e Skopjeske thaj an i komunikacia kerel zori te egzistirinel. I egzistencia athinela taro bikinipa an o droma o magazini “Muj mujeja”.
Sar so vakerel nane sako drom lokheste te bikinel pe i gazeta, numa o keriba zori, asajbaja thaj dikhibaja an o jakha si o sukcesi e bukjakoro akale 22 beršengoro Rom taro Skopje.
“Ko dive astarav paše 500 dži ko 600 denaria kote so parvarav mle 14 beršengiri familia. Taro bikiniba si ma motivi thaj te educirinav man thaj džava thaj an i škola” – dopherela o Erdžani.
Angleder trin berša khedel sine an o kontejneria. Numa i misia taro magazini “Muj mujeja” prekal bikiniba akale magazineskiri kaskiri moldi si 50 denaria, sar dromengere kolporteria angažirinen pe manuša sar socialno teleperavde familie. Jekvaš taro love lena o kolporteria thaj agjaar egzistirinen.
I misia taro akala kolporteria si lačhi. Dži kote dikhen tumen da asavken kolporteria an o droma kinen. Kinibaja asavko magazini dena arka e socialno teleperavde kategoria manušen.
Pobut an o linko : http://www.makdenes.org/media/video/videos/27555302.html?z=15569&zp=1
