E dozjakoro menadžeri Goran Vasić lelja than ko strati taro tamikeripa e komunakere dromeske Stubline – Dubrava – Grabovac an i komuna Obrenovac. Ov ko odova momenti sikavgja plo čalipa kote e lovencar so si dende akale proekteske , soske an i Dubrava kote butipe si o Roma angleder niko na dikhel sine thaj i diz ko agorutne 50 berša na kergja khanči olate. E dizjakoro menadžeri akcentiringja kaj o asfaltiriba e dromeske so si lungo 1,5 kilometria ka ovel agorkerdo dži ko 19 fevruari.
O kotora so ka oven asfaltirime si o droma Uzun Mirkov, Savska, Aleksandar Simović, Knez Simo Marković, thaj o barabutno moldipa si 24 milionia dinaria. Akala proektia si finansirime tari komuna Obrenovac thaj o JP Srpsko droma.
O Vasić akcentirinela kaj kerel pe ko majlačho dromeskiri infrastruktura an o Obrenovac so ko jekh berš si dende pobut taro 1 milionia eura.
Ov lipargja kaj aso i andi decizia e komunake Obrenovac ko avutne 10 berša sako kher ka ovel le kanalizaciono infrastruktura thaj si ko plani te keren pe panda 5 neve fabrike baši filtracia e panjeske.
O prezidenti e Komunake Miroslav Čučković dengja lafi e Romenge kaj ka dživdinen ko normalno šartia thaj elektrikaja ko droma thaj asfaltirimo drom.
Ov dophergja kaj i komuna dengja love te legarel e čhaven ki jevendaskiri feria sa okola čhave so si baripaja dži ko 4 klasi tari fundavno škola.
Pobut an o linko: http://www.kurir.rs/vesti/beograd/vesic-put-za-zitelje-romske-nacionalnosti-u-selu-dubrava-clanak-2132955
