Trujal so dživdinena ko pašipe avere etnikane jekhinencar e Romen taro Paščimalo Balkani si len diferentno akcepcia dži ki buti, edukacia, pani jali elektrika , olengere khera , sikavel i kerdi analiza tari Lumiakiri Banka . O Roma ki Utarali Makedonia so paše 9.0% taro sa o dizutne.
Ko thema taro Paščimalo Balkani em kana olengere komšie taro aver etnikane jekhina si dur olendar na majdur 300 metria o Roma si len diferentno akcepcia dži ki buti, edukacia, pani jali elektrika , olengere khera. Akava sikavel i kerdi analiza tari Lumiakiri Banka anavkerdi sar ” Ikljoviba tari rota tari inkluzia e Romenge taro Paščimalo Balkani”
„Amen dikhaja kaj kotor akale karanenge ko diferencie si salde tari diskriminacia soske našti te ovel odokhare bare diferencie kana o jekhina bešena barabutne paše jekh uzal o avera. A amen odova dikhlem – kaj isi bari diferencia maškar o Roma thaj o naRoma ” vakergja i Natalia Mijan, koautori akale analizake.
