Ki jekvaš i rakj duj napendžarde manuša phagle o udar , khuvgje ko kher, kote sovel sine oftodženengiri familia ko gav Star Grac an i Hrvatska.
E rakjakoro atako upral i romani familia taro Stari Grac , podravsko mahala ko pašipa tari Pitomača , čipotingja pe persi kurko. O manuša so kergje atako khuvgje ko kher tari familia Tudić kote 5 masekoja dživdinela sine romani familia telal kiria . O trinto manuš so lelja than an o atako sine avrial, thaj ikerel sine straža anglal o kher. I policia kerel panda rodaripa , a i romani familia sebepi i dar akana si ko pašipa tari Virovitica.
Kana khuvgje o duj manuša počmingje sa te iranen an o kher . Khuvgje andre thaj vazdingje e čhaven thaj akošen sine sa, havljaren o mediumia.
Jekh taro manuša so kergje o atakia lčelja daska thaj phaglja sa o džamia thaj dela sine vika te ikljon najsig so šaj em te džan peske odothar.
Sa odova ulo bašo 5 minutia a palo odova našle ko napendžardo drumo. O gazda e khereskoro bašo akava incidenti havgja palo duj divesa. “Sium sine ko šok kana aljum ko gav thaj dikhljum so kergje taro mlo kher thaj o udar” – vakergja o gazda e khereskoro Dubravko Tudić.
Ov em oleskiri romni vakeren kote taro sa vakti kana dengje o kher telal i kirija sine telal i presia taro komšie kana angleder 5 masekoja ko plo kher angje romani familia telal kirija” O Centari bašo socialno na sine len nisave mujal aktia kote so dživdinen sine o roma thaj nikaske na kergje provokacia. Nekaske smetinel sine an o gav Stari Grac kote ale Roma. Mange ničale pukjinen sine i kirija thaj sine šukar “vakerel o Dubravko Tudić.
“Gndinaja kaj i policia ka arakhel e manušen so kergje o atako” , notirinel o Tudić
Pobut an o linko : http://www.kurir.rs/region/hrvatska/nezapamcen-napad-u-podravini-provalili-u-kucu-i-oterali-romsku-porodicu-sa-sestoro-dece-clanak-2120649
