O manuša tari romani jekhin kote si ko sa o kotora e lumiake si Indiakere čhave , vakergja o ministeri avrutne bukjengje tari India i Sishma Swaraj.
“Tumen sien e Indiakere čhave so kergje migracia thaj dživdinen ko phare šartia ko aver thema šelberšipaja napalal. Numa palem ikeren tumaro Indisko identiteti” vakergja i Sishma Swaraj ko lafikeriba an i trindivesengiri internacionalno konferencia e Romenge thaj kulturakoro festivali 2016 an o Nju Delhi.
“Paše 20 milionia Roma si thanjarde an o pobut taro 30 thema ki teritoria taro West Afrika, Europa, Amerika thaj Australia” vakergja oj. O Roma si darhiencar tari India popendjarde sar Dom, Banjara, Gujjar, Sansi, Chauhan, Sikligar, Dhangar thaj aver nomadsko grupe tari utarpaščimali India . Ola si pendžarde thaj sar “Zigeuner” ki Germania, “Tsyiganes” thaj “Manus” an i Francia, “Tatara” an i Swedia, “Gitano” a ni Spania, thaj “Tshingan” an i Turkia thaj Grcia, “Tsigan” an i Rusia, Bulgaria thaj Romania thaj “Gypsies” an i Britania.
Akcentiripaja i jekhin i Sushma Swaraj vakergja kaj o Roma si ” idelano egzamplo baši multikulturno thaj konsezualno sadživdipa “. ” Ola si majlačho momento thaj falgo so legarena o Indisko etosi thaj amen sem garvasiale odoleske” vakerel oj.
Isi faktia kote sikavel pe kaj i romani jekhin tari India premal o Paščim ko X veko o ministeri vakergja: ” Amen o Indicia siem garvasiale bašo progresi thaj o anav kaj i romani jekhin si len kerde but an o lokalno thaj internacionalno nivelo”. Panda majimportantno si o procesi tari adaptacia , difuzia thaj progresi upral i funda taro Indiakoro sistemi taro moldipa taro tromalo dživdipa, respektiribaja aver kulture thaj buvljaripa.
O Roma ikeren pe ko Indiakere tradicie an o thema kote na džanena sine bašo India thaj olengiri kultura thaj tradicia thaj odolea ka ikerel pe o indisko identiteti”.
Pobut an o linko : http://www.india.com/news/india/romas-are-indias-children-sushma-swaraj-943499/
