Rekordno tikne moldia taro importirime varo tari Srbia thaj i bari konkurencia an o Skopje angje te tiknjon o moldia e mareske taro 2 dži ko 5 denaria bašo jekh maro.
Majbare firme so keren o maro an o Skopje “Žito Luks” tiknjarel i moldi e fundavno formake taro maro.
Erati i kompania so kerel maro “Furna Dime” tikjnarel i moldi taro 2 dži ko 3 denaria ko maro ko athinalipa taro gramaža thaj aver.
Prekal i grupacia taro mareskere kompanie thaj industria ki Stopansko komora e Makedoniake tikjnaren i moldi e mareskiri athinalipa tari gramaža thaj savi kompania taro erati bikinel pe majeftino duj dži ko pandž denaria ko maro.
Ko aver dizja an i Makedonia o moldia sine anglutne tiknjarde, thaj si ki funda majtikne nego an o Skopje.
tari kompania “Žito leb” taro Ohrid vakeren kaj o lokalno marketo an o Ohrid thaj Struga ko momento nane len moldia e mareske .
E varengiri thaj artikliribaskiri industria thaj o manuša so kerena buti marea angleder duj divesa sine len dikhiba e govermenteskere membroncar rodena intervencia tari them. Ola rodena subvencia taro 2.5 denaria ko kilogram varo tari kherutno giv, a o agraria rodena dopherdo 2 denaria subvencia bašo sako kilogram artiklirimi giv.
