O Romane biava tari Srbia oven nekobor divesa thaj odoleske o giljavutne tari srbiakiri estrada but mangen te džan ko odola biava soske o honoraria thaj o bakšišia si an o eura.
Anglutne ko srpsko romane biava majbut giljavena sine o Šaban Šaulić,thaj o Ljuba Aličič, dži kote ko avdisutne vaktia odola si o Darko Lazić. Aleksandra Prijović, Andreana Čekić, Džani thaj Jana.
I kriza an i srpsko estrada hošinena la but džene numa nesave srpsko giljavutne so keren zabava e henamikonge thaj e misafirnege ko romane biava an i Srbia thaj majbut okola Roma so si an o Pariz, Viena thaj aver europakere dizja.
O majterne maškar olende si o giljavutne taro Zvezde Granda sar so si o Darko Lazić, Andreana Čekič thaj Aleksandra Prijović, kote džana ko romane biava.
“Nane barvale romane biava, a kote si o Darko Lazić thaj na giljavel. Ov si harizmatično thaj but šuukar giljavutno, o Roma odova prependžarena . Sebepi so isi le šarmi thaj mangena le but . Prekal oleste tezge resena thaj baši Aleksandra Prijović, thaj i Čekić. Ov olende preporučinela sebepi so majlokheste si oleske da kana isi pobut peačia.
Ko agor majbut love ka len o menadžeria , a o javer so ačhol o giljavutne thaj o muzičaria” vakerel jekh giljavutno taro Zvezde Granda so manglja te ovel anonimno.
O Darko Lazić odova dikhel le sar normalno buti thaj adaptireinel pe ki sako situacia ko biava. Odoleske o bakšiši thaj o honoirari si leske bare. Anglutne majbut ko romane bijava so džana sine thaj lena sine šukar love sine i Nada Topčagić, Vera Matović, Usnija Redžepova, Hasan Dudić. Avdive tari popurani generacia odola si o Šaban Šaulić thaj o Ljuba Laičič, kote panda legaren o epiteti ” Thagara ko romane biava”
Pobut an o linko : http://www.kurir.rs/stars/video-kraljevi-romskih-svadba-veselja-traju-po-nekoliko-dana-gosti-pevace-sve-vreme-kite-evrima-clanak-1787109
