I daj taro jekh o marde romane čhave vakerel kaj o gazda e kafanakoro khuvgja lakere čhave boksea thaj phaglja i gitara thaj i kemana.
Prekal o manuša so sine misafiria an i kafana ko odova momenti, vakeren kaj ale ko lokali, thaj olende ale duj tikne romane čhave so rodingje olendar te kinen lenge duj sokia. O misafiria rodingje tari konobarka te anel duj sokia e čhavenge, numa oj na manglja te anel lafencar, kaj o gazda e kafanakoro na mangel te služinel e Romen.
Ko odova momenti o misafiria but reagiringje.
Palo odova ki kafana alo o gazda thaj oleskoro phral, thaj uštilo maripa maškar olende thaj o misafiria.
Ki sasti čhingar o gazda ko jekh momenti, astargja e duj romane čhaven tari men, khuvgja olen boksi, thaj frdingja len avrial tari i kafana, a posel e prencar phaglja o instrumentia e čhavengere jekh gitara thaj kemana.
I kemana sine tari muzičko škola kote sikljol jekh taro čhave so sine leske dendi te sikljovel olaja.
O sasto incidenti sine an i diz Maldenovac ki kafana “Stara Mehana”.
Premal o svedokia trujal fizičko atako, o gazda verbalno kergja terori upral o čhave akošipaja olen an i nacionalno funda.
Pobut an o linko: http://www.blic.rs/vesti/hronika/rasizam-gazda-tukao-romsku-decu-jer-su-usla-u-kafanu/kwpmv94
