Upreder pinda romane familie thanjarde an o improvizirime khera telal o Kale tarto erati sovena avrial. Olende ali mehanizacia kote sine thaj advokati kote premal olengoro vakeripa keren sine buti prekal o ando akti tari Komuna Centar te peraven o khera.
O Roma vakeren kaj i phuv kote si odola lengere khera nane olengiri, numa vakeren kaj nane len aver opcia trujal te ačhon an o droma. Ola anglal o Govermenti rodingje protektiva tari them soske sar so vakeren olen nane len aver khera.
-Vakergje te thanjara amen 4-5 metria thaj emn odova kergjem. Ale erati thaj vakergje kote na tromaja te ova ni odothe, thaj akana siem avrial barabar e čhavencar, o barake si peravde., nane kaj te dža, te na arakhle faisali amnbge ka ačhova anglal o Govermenti. Taro erati sovaja avrial, vakerel jekh taro Roma.
– Trubul o Govermenti te lel desave aktivitetia amenge. Amen siem 20 berš telel o Kale, ko droma. Kher li jali aver neka den amen. Udžaraja o Govermenti , numa ni jekh na avel, vakergja aver Rom.
Tari komuna Centar vakeren kaj na dengje nisavo akti te peraven pe o barake telal o Kale. Ola vakeren te pučel pe an i diz Skopje.
Odothar vakeren kote i lokacia si ko privatno ploipe thaj užarel pe prekal o kanoni 18 bašo javno higiena te kerel pe odoja parcela.
An i informacia tari diz Skopje notirinen kote premal olengere džanlipa kerel pe lafi bašo užariba than so si ko privatno phuv thaj odothe nane nisave barake.
