O emigrantia so na aven taro krizno regionia, ka našti te khuven an i balkansko ruta te šaj khuven an i Europa. O Balkansko thema startujngje te keren filteri e emigrantonge so aven an i Europa, thaj mukhen te nakhen salde okola so aven taro krizno regionia ko Paše Ost thaj Avganistan, a okola aver emigrantia so si notirime sar ekonomsko emigrantia iranen napalal.
Akava akti kergja te mukhel šel personen an i nikaskiri them -nautralno zona: ani srbiakiri simantra premal o Kroacia paše 400 emigrantia sine blokirime o drumo premal o thema tari EU informirinen taro UNHCR.
Pobut taro šel emigrantia ačhile an i nautralno zona maškar i Makedonia thaj i Grcia, numa o makedonikano legaripa akanaske na čhivel nisave barikade. Tari Makedonikani policia informirinen kaj akanaske na čhiven nisave barikade, numa užaren o than prekal ande decizie so si kerde an o Konsilo arakhibaske so ikergja pe ko nakhlo vikendi.
O apel baši majbari kontrola, palo atakia an o Pariz barile an o europakere thema, kana sikavgje pe indicie, kote o šubikerde teroristia, inflitiringje pe maškar o emigrantia tari anavkerdi balkansko ruta.
