Majbaro problemi kote so o Roma thaj o Egipkjania an i Crna Gora s o arakhen pe sar so sikavel o rodaripa tari koalicia “Romani rota” si o bibukjarnipa , amajnglal o romane džuvlja, o kherutnipa, esktremno čorolipa, problemi an i edukacia nanipa te ikaven pe dokumentia thaj regulacia o sasoitnipaskoro statuso.Ko agorutno than si prekal o ankete o mangipa devlenge. I anketa so si kerdo ko pervazia e proekteske” Aktivno leibe than e Romenge thaj Egipkjania – AMARE”, sine astarde 390 preperutne tari Romani thaj Egipkjansko populacia taro 13 komune, 26 themakere thaj lokalno institucie, 13 NGO thaj pandž internacionalno organizacie. O partenri “Romani rota” ko akava proekti o NGO “Humanitarco” thaj korespodentia si o Ministeriumia bašo manušikane thaj malcinsko niamia thaj o komune Nikšić, Berane thaj Herceg Novi.
“Majbaro čalipa si ko primarno sastipa , pozitivno egzamplia an i edukacia. Angleder 15 berša an o edukaciakoro sistemi an i Crna Gora sine 400 romane čhave a akana isi amen 1.700 – 1.800 čhave.
Numa nane amen panda aktivno leibe than ko sa o Romane čhave an o edukaciakoro procesi” notirinel o Veselj Beganaj, koordinatori an i “Romani Rota”
I anketa kergje 25 Roma thaj Egipkjania so agorkergje praktika. Kote o socio-ekonopmikani statusi e Romencar thaj Egipkjanencar si bilačho esapinen 92%taro anketirime thaj 70% taro love si dende taro kherutne thaj internacionalno organizacie ko agorutne 5 berša hardžinen pe o love nenamensko. An i Crna Gora dživdinen 6.251 Rom thaj 2.054 Egipkjania.
O ministeriumi bašo sastipa dengja džovapia. Trujal so o Ministeriumi bašo manušikane niamia sar partneri ko proekti na dengje džovapi ko pučljardo lil so i “Romani rota” si bičhavde thaj legarel pe o hali thaj problemia e RE populaciaja.
O džovapia ki anketa nane bičhavde ni rigatar taro Ministeriumi bašo socialno, edukacia, sporti thaj kultura, o Ministeriumi bašo andrune bukaj . O ministeriumi bašo sastipa dengja džovapia ki dendi anketa thaj pučlaripaskoro lil
