O policajco Branko Petkov taro Sveti Nikole si adaltekrdo trin berš phanlipa so kergja mudaripa sar so notirinen ko arakhiba. Numa o Petkov nakhavgja ple ingerencie sar policajco thaj phajrargja ko 30 beršengoro Dalibor Ilievski, kote akanavaljani te džal ko phanlipa angja decizia o Konsili taro adalti ko Štipsko kriso, so avdive angja i decizia kote than lele thaj i paše familia taro Petkov thaj o mudardo Ilievski. Holjame thaj ko šoko i daj thaj i romni taro mudardo Ilievski.
I decizia o Adalati angja la premal o vakerina taro svedokia thaj faktia. Ko 22 septemvri persi berš ko drom Maršal Tito ko Sveti Nikole angleder te ovel o mudaripe o policajco thaj o mudardo Ilievski sine len verbalno čhingar. Kana o policajco manglja te legitimirinel e Dalibore , ov počmingja te paldel po vordon ikeribaja taro vast e policajco, thaj palo odova o policajco pelo ki phuv. Premal op vakerina o Ilievski duj drom irangja po vordon mangipaja te gazinel e policajco, tegani o policajco ko bešindo than phajrargja
O advokati taro policajco Petkov, Dimče Pockov vakerel kaj o Adalati angja kanonikani decizia ki korektno legardo akti. -O akti si kerdo ko momenti kana o policajco sine an i buti thaj palo fizičko atako thaj riziko bašo sastipe , a pali doš taro Dalibor. Sar advokati havljara kaj ka kera reakcia akale deciziake thaj ka roda te mukhen e Dalibor, vakerel o advokati taro policajco.
O adalati panda angja decizia kaj o policajco Petkov ka ovel mukhlo taro pritvor, thaj ka šaj te ovel an i sloboda – tromalipa, dži ko zojrakeriba e akteske. I familia taro mudardo havlajren kaj i avdisutni andi decizia taro adalati ka anen akti kote ka reagirinen ko ando akti thaj i jurisdikcia ka roden la dži ki Apelacia
