Angleder duj kurkesa an i diz Kriva Palanka sine incidenti kote si kerdo demoliripa jekhe džamiake, devlikano hrami kote džana sine majbut Roma muslimania tari akaj diz. Akava akti kergje upreder milja hristiania tari akaj diz ko protestia so si mujal premal olengiri percepcia “islamizacia” e dizjake Kriva Palanka.
Akava akti si panda majalarmantno sebepi so ko sa akava sar “jag” dophergja thaj e dizjakoro šerutno e komunake Arsenčo Aleksovski, kaj an i akaja diz na tromal te ovel džamija, soske 95% taro dizutne si hristijania. Palo odova prekal o socijalno networko o dizutne – hristiania gele te protestirinen thaj demoliringje i džamia.
Akava sikavel i ksenofobia thaj i islamofobia si bari. Ko jekh peraven thaj keren diskriminacia upral o Roma tari akaja diz.
Ko than o bukja pohari trubul te tromaren pe, ola panda pobaro alarmi vazden palo o teroristikane atakia an o Pariz – Franica. Ko olengere jakha sako so si muslimani si potencialno – teroristi!
O Roma tari Kriva Palanka nane ISIS regrutia! Te šaj ikaven pe sebepi akala antiislamsko protestia jekh veb portali navea http://front.mk/archives/7603 , ki priri informacia te šaj “thovel” okolen so kergje atako dela informacie so si sasto dilinipa.
Dži kote ka džal akava? Trubul o institucie e sistemeskere an i them, te len akava problemo an o pe vasta thaj te anen faisali.
Trubul te reagirinel pe ko vakti, palo odova sa ka ovel bizo efekti.
