O love taro Budžeti e dizjake Bujanovac so hulavel pe e Romane populaciake hardžinel pe natransparentno thaj na avel dži ko okoleske so valjani, vakerela o Dejan Bajramović, prezidenti an i NGO Romani asvin.
Ov akaja informacia notirinela la faktea kaj o Branimir Stojančić kote maškar aver kerel buti an o Romane pučiba thaj i Altena Asanović taro Ofiso e Romenge na mangle te den o informacie thaj finasisko raporto te den dži ki oleskiri organizacia te šaj dikhena kote si dende o love.
Kaske thaj sar si hardžime o love dende tari diz Bujanovac o ofisia na mangle te den informacia ni kana odova olendar rodingja o juristiko Rodoljub Sabić, povereniko bašo informacie, notirinela o Bajramović.
