Ko parko memoriake an o Lančiano, Italia iauguririme si o lipar sar nišani ki memoria e romane viktimene ko genocido ko vakti taro Dujto Lumiakoro mariba so sine kerdo taro skulptori o Tonino Santeusani.
O italiansko lipar si dujto majbaro e Romenge viktimia an i Europa palo okova an o Berlin a pali inicijativa taro profesori thaj muzičari o Santino Spinmeli.
Ko universiteto G. D’Annuzio ikergja pe predajbe an i tema komemoracia e romane vgbiktimenge an o Dujto lumiakoro mariba an i Kroacia sar internacionalno konferencia kote sine čhivdi signatura thaj deklaracia bašo Samudaripe. Ko vakti e konferenciake sine dendi i signatura taro universiteto thaj o prorektoro Stefano Trinceze.
Liparibaske si pobuter dende notacie taro themakoro ministeri andrune bukjenge o Mateo Salvini kote persi berš notiringja kaj ka kerel pe registracia e Romenge an i Italia, thaj sa okola so nane len themutnipa ka oven paldime tari Italia.
