Nekobor deš azilantia an i Germania kaskere aplikacie sine irame si deportirime ko olengere thema an o Balknai. Ki Germania salde an o januari sine registririme upreder 90.000 imigrantia so si bašo jekhvaš pohari taro numero registririme ko noemvri 2015.
I deportacia okolenge kaske nane lende o palikacie bašo azili an i Germania kerel pe sine čarter ujrairiba taro Minhensko aeroporti dži ki Priština thaj Skopje, vakerel i germansko policia.
O nakhlo septemvri i Germania havljargja kaj i Albania, Kosovo thaj Montenegro si siguritetno thema , so odova sikavel kaj olakere dizutne si ko jekh sar sa o themutne tari Makedonia, Srbia thaj Bosna i Hercegovinaautomatski frdel pe olengiri aplikacia bašo azili.
I Germania o nakhlo masek notiringja majtikno nivelo registracia migrantia nego o nakhle masekoja angleder.
Odori bajrol i presia upral i kanelarka Angela Merkel te šaj tiknjarel o emigrantsko nivelo.
Oj akala dive vakergja kaj o numero taro imigrantia so aven an i Germania ka tiknjarel ole.
Persi berš odothe ale upreder 1 milioni thaj 100.000 migrantia. I Merkel palem sikavgja plo mazunipa ki konekcia e europakere kontrakteske baši migranstko kriza.
