Dujberšengoro tikno romano čhavo javinate si arakhlo mulo ko kanali e lenjake so nakhela tari romani mahala Trizla an o Prilep. Oleskoro trupo arakhle le o majpaše ko 6.30 o saati. O čhavo sine arakhlo muea irame ko pani, numa dali mulo thaj taslilo, jali si aver, ka sikavel i obdukcia.
Dešujekh saatia sine angleder notirime kote akava dujberšengoro čhavo si našavdo ko policiakoro stasioni an o Prilep. Sar so informirinel i policia, idž erati ko policiakoro stasioni i 52-beršengiri S.A. notiringja kaj odova dive paše ko 15 o saati taro kher ko napendžardo drumo iklilo olakoro unuko.
“I baba e našavde čhave notiringja kaj agorutno drom kana dikhlja ole khelel sine peske anglal o kher ko drom Debarca . Numa javinate oleskoro papo arkhlja le ko kanali pajnea so nakhel sine palo olemgoro kher” vakerel o protaproli taro SVR Bitola
O ofiso baši urgentno medicinakiri arka taro Prilep, konstatiringje kaj o čhavo si mulo. Kriseskoro policiakiri ekipa kergja opservacia, thaj o dežurno kriso dengja decizia te kerel pe obdukcia e čhaveske te šaj te dikhen pe o karane sar alo dži ko akava meripa.
