Maškar o majbare problemia e Romenge an o Kičevo si o bibukjarnipa a o problemi šaj nakhavel pe aso i konekcia maškar i lokalno thaj centralno governo vakeren o romane NGO.
-I inkluzia e majterne Roma an o proceso an i edukacia so dela resultatia numa trubul neko taro civilia trubul prekvalifikacia , džikavlifikacia thaj aver aktia te oven konkurentno an i berza bukjake. Odova sikavel kaj ka konkuririnel te oven jekh a jekh bukjake aso bukjarno than.
Bašo o Roma bizi buti kerel sine lafi e dizjakoro šerutno e komunake Kičevo Fatmir Dehari an i presentacia ko propzal budžeto e komunake ko avutno berš.
-Aso amare šajdipa kerav sine zori numa ka kerav majodorig zori an o Kičevo te ovel amen jekh pozitivn o diskriminacia akio na barem ko sezonsko bukjarno angažmano kote ka šaj te čhiva an i buti majbaro numero tari Romani jekhin so si majteleperavdi kategoria dizutne an o Kičevo thaj buvleste, vakerel o Dehari.
Ov akcentirinela kote akaja jekhin si putarde o udara thaj e komunakiri administracia numa dophergja kote but phareste si soske isi but bukjarne so ačhili angleder vakteskiri.
An i Komuna Kičevo angažirime si akanaske paše 50 sezonsko bukjarne sako berš kote majbaro numero si representiua tari romani jekhin.
