Jekh Njujorkćani an o metro arakhlja tašna Šanel kote sine 10.000 dolaria thaj mesažo an i rusko čhib thaj irangja la e gazdaricake.
– Lelem i čanta te dikhav si li informacia kaskiri si i tašna te šaj avav an o kontakto olea thaj te iranav la- vakergja o Ričard Tavern so arakhlja i čanta thaj o mesažo kergja leske suporto te šaj iranel i tašna.
Numa sebepi soske na haljovava ruski buljargja o love ko asatli thaj fotografiringja olen. Palo odova legargja olen ki majpaše policiakoro stasioni an o Menhetn.
Ko odova than ko odova vakti sine thaj i džuvli so našavgja piri tašna kote angleder te chidel ko drumo baši Rusia, em agjaar sine la bahtalo agoripa.
Ko agor ki notacia bašo mediumia o Tavern vakergja kaj na kergja khanči spektakulrano, numa kaj si akana but šukare soske džanela kaj kergja jekh šukaripa.
