I Danska havljarela nevo kanoni so notirinela kaj sako so ka aplicirinel te lel themutnipa akale themakoro trubul te del po vast te pozdravinel pe . O kanoni si ando persi štarto di kana o Parlamenti kergja decizia so si e muslimamenge so na kamen te den po vast te pozdravinen pe taro religiakoro aspekto a majbut legarel pe akava kanoni bašo o muslimanke.
O kanoni kergja bare reakcie ko desave dizjakere šerutne so ka implementirinen akava kanoni ko akala ceremonialno aktia thaj kergja reakcia tari aver rig , numa ola notirinena kaj odova nane politikani akcia numa “uži simbolika” thaj irelevantno kvalifikacia e korkoro aplikantoske so rodela themutnipa tari Danska.
Ola vakerena kaj o dansko parlamento so dengja propozalo akale neve kanoneske ka kerel te bajrol o socialno aspekto taro nacionalno baripa.
Numa i Danska nane jekhutni an o akava elementi . I Švajcaria thaj i francia akcentirinena sine kaj “nane asimilacia” ko ikaviba an o themutnipa e stranconge numa si aspekto so na mangent e pozdravinen pe e oficialno personencar an i akaja ceremonia.
“Kana resen an i Danska normalno si te pozdravine tut , thaj odova te na manglen te keren le odova sikavela sar narespektiriba”, vakerel o Martin Henriksen deputato so si kritikujmo e islameske thaj ko jekh si portparolo an i zorale antimigrantsko Nacionalno Partia baši migracia. ” Te našti neko te kerel odova so si majnormalno , na trubul nit te ovel le dansko themutnipa”
