O dizutnenge taro Balkani so masovno migririnen ko europakere thema, definitivno phravdiili lenge i baht
O bukjarne taro sasto Balkani so udžarena sine te anel pe o nevo kanoni te šaj aven sar kvalifikujmi bukjarno personali an i Germania resla definitivno piri satisfakcia.
O germansko ministeri andrune bukjengje Horst Zehofer thaj oleskoro kolega taro ministeriumi baši ekonomia Petar Altmaer vakergje o nevo akti so si ando sebepi o baro numero bukjarne thana so nane pherde, soske o manuša masekoncar udžarena te resel lenge o sertifikato te šaj keren buti an i Germania.
Sa okola so gindinen kaj bukjake baši an i Germania ka trubul lenge salde pasporto thaj tiketo ko jekh drumo, ola but si ki greška. Okova so si saste lokheste an i sasti situacia so o proceso te resel pe viza an o ambasade ka ovel na bare komplicirime.
Bukjakere sertifikatoa thaj viza ka resen salde kvalifikujme bukjarne , thaj isi nesave kriteriumia so ka trubul te pheren pe.
Jekh taro šerutne kriteriumia trujal i kvalifikacia thaj pendžariba i germansko čhib, sebepi lokheskiri adaptacia thaj trujalipa, thaj odova na tromal te ovel telal o nivelo A2. Šaj te ačhol pe an i Germania sebepi te rodel pe buti , ka šaj te educirinen pe odothe kote ka trubul, sebepi diferentno aktia an o edukaciakoro sistemo an i germania thaj o thema so si avrial tari EU.
Trubul thaj bukjarno džanlipa taro 18 masekoa thaj kriseskoro lil kaj nane kerdo nisavo krisekoro teleperavipa, thaj sasti informacia bapo o sasto identiteto.
Te šaj resel pe dži ko dokumento te šaj ačhol pe an i Germania savakteske trubul te keren buti majhari 30 masekoa an i Germania.
