I amerikansko akademia bašo filmi thaj uka kergja majtikni lista taro nekoboro kategorie: dokumentarno, stransko thaj tikno filmi, muzika, visuelno efekto, šminka thaj frizura.
Engja kandidatia taro naanglikano lingvističko teritoria alusargja akaja dujkategoria komisia taro resle sa 87 filmia.
I lista legarel o baro favorito thaj akana dikhlo sar majšukar filmi, o filmi “Roma” taro meksikansko autoro Alfons Kuarona, so anglutne da sine phursarkerdo sar Oskar aan i režia e amerikansko blogbastereske ” Gravitacia” . O filmi “Roma” iranel pe ko pire darhie, thaj aktivno si ko piro baripe an o Siudad Meksiko, akcentoa ki but phare kerdi buti e meksikansko romnjake taro sasto trujalipa.
O filmi majpakjavutne nane te ačhol akate salde an i akaja nominacia notirinen o filsmko analitičaria. O filmi “Roma” anglutne reslja o phursako ” Zlatno Lavi” an o festivali an i Venecia.
Dujto favorito si o filmi “Šudro mariba” taro polsko režiseri Pavel Pavlikovski so anglutne da legargja jekh oskari pire avgo kerde filmeske “Ida” thaj reslja akava phursako. O filmi “Šudro mariba” , reslja dži akana buteder phursakoa sar so si phursako režiake an o filmsko festivali Kan thaj pandž europakere Oskaria an i kategoria: filmi, režia, scenario, akterka thaj montaža.
Link: https://www.blic.rs/kultura/vesti/u-susret-oskaru-roma-i-hladni-rat-vode-trku-za-strani-film/2n2hw34
Trejler: https://www.youtube.com/watch?time_continue=92&v=6BS27ngZtxg
