Odova so biš naslednikia rodingje i phuv palal so si kaj ui Nišava palal o Stočno Pzari , kergja stopiriba e tamikeribaske 25 objektia e Romenge. O Ivan Pavlović taro Ofiso e lokalno thaj ekonomsko buvljaripa e proektoske vakerel kote majbaro problemo si kaj i phuv majpakjavutne ka ovel irame e purane gazdenge thaj palo odova o Niš te kinel i phuv olendar te šaj džal majodorig e proekte so si finansirime tari EU jekh milionia eura.
But problemia sine an i implementacia akale proektoske ko keriba apartmania 50 romane familienge sebepi so o komšie buningje pe kaj akale potencialno getoizacia e Romenge thaj isi akana khera ki odoja phuv so si anglutne kerde.
Trujal so o Pavlović angleder vakerel sine kaj i privatizacia e phuvjake nane te stopirinel o proekti soske o naslednikia ka oven kompenzirime finansiko, numa o momenti kaj odothe isi akana kerde khera, odova but iznenadingja e dizja Niš.
