O germansko Sintia si minjoriteto so avilo an i Germania angleder 600 berša. Trujal i sasti them , o numero taro Sinti thaj Roma si paše 70 mile. O Janko Lauenberger si jekh olendar.
O Janko Lauenburg si gitaristi. Majbut bašavel jazz thaj swing. Biame si an i Germania sar preperutno taro jekh minjoriteto. Ov thaj oleskiri familia si Sintia , etnikani grupa so angleder 600 berša avile odori tari India. Generaciencar napalal o Berlin si than e familiake Lauenberg.
E Jankoske pendžarde si o kliše bašo Sinti sar but lošale muzikantia. Oleske i muzika si loš thaj familiarno barvalipa.
„An o oftovardešto berša kana miri familia formiringja o bendo “Sinti – Swing” kote sine miro dat o phralja thaj mi daj, me sako drom sium sine kana ola probinena sine. O probe, o bašavipa, sa odoja loš ko odola momentia ć agjaar ovela pe muzičaro so praktikane si inficirime “, vakerel o Janko Lauenberg.
O Janko barilo an i nekanutni Ost Germania ko hulavdo Berlin. Ov taro tiknipa siklilo so si doskriminacia, maškar olende sine o Ost , thaj ao West ko odola duj kotora ki hulavdi Germania.
„Sine kerdi diskriminacia upral mande taro o sikle, soske sium sine jekhutne an i škola so sium sine kalo. O profesoria keren sine zori odova te čhinaven le numa 800 čhave..”
Ov kergja peske nevo identiteto – vakerel kaj avel tari them so o Germancia but kamena la.
„Soske isi tut kale bala, soske ti morthik si kafeno? Hmm, me sem Italianco! Em tegani odova si ok! Tu sian Italianco! Te vakera – Rom – ha,ha,ha”.
„Roma“ – lungo vakti o Sinti thaj o Roma sine agjaar anavkerde na salde an i germania numa an i Sasti Europa.
