O bukjarnipa e Romenge an o Leskovac si jekh taro bare problemia. An i akaja diz isi evidentirime 1221 bizi buti so notirinen kaj si taro romano nacionaliteto. Taro sublimato numero notirime Roma olendar 521 si Romane džuvlja jali 42%.
An i paralela taro bibukjakere evidencia an o Leskovac o Roma si 8%.
Aso o informacie so dengja i Marija Stevanović načalniko an o ofiso ki konekcia bukjake thaj planiriba kariera ki Nacionalno kancelaria bukjake Filijala Leskovac., i kvalifikujmo nivelo e Romenge an o Leskovac si bilačhi soske o persone okola so isi len tikne edukacie (bifundavutni, hari jali sasti fundavno škola) si 87% taro sasto bibukjakere Roma, Ko trinto thaj štarto nivelo (maškarutni edukacia ) evidentirime si 136 persone , šovto nivelo si 3 a eftato nivelo si 4 džene.
O proekto si tari germansko govermenteskiri organizacia GIZ “Kamav te kerav buti” an o Leskovac implementirinel pe taro juni akava berš.
O proekto si kerdo e Romenge so si an o baripa taro 15 dži ko 35 berša so si len agorkerdo fundavutni škola so kamen majodorig te agorkeren i škola jali parktika bašo deficitarno profesie.
” O Roma mangen te keren buti džana an o konkursia numa palo odova o gazdia keren lenege eliminacia palo dende intervjuia notacijaja kaj o Roma nane len but motivo te keren buti” vakergja o Vladimir Amzić lokalno organizatori e germansko Govermenteskere organizaciake GIZ so kerl kooperacia e Nacionalno ofisoa bukjake filijala Leskovac
Link: http://rominfomedia.rs/leskovac-romi-zainteresovani-za-posao-ali-ih-poslodavaci-ne-zele/
