I natolerancia mujal o strancia an i Germania bajrola, majbut ko Ost regiono , notirime si an i Lajpciško studia bašo autoritarizmo. O autoria notirinena kaj i demokratia si an o riziko.
Sako trinto Germanco si an i gind kaj o strancia so avena an i them si te istemalkeren i socialno benefiti an i them.
An i Ost Germania odova gindinel sako dujto Germanco , konstatirinela i Laipciško studia bašo autoritarizmi . Buteder manuša trujal akava pakajana kaj i Germania si 2riziko pherdi taro strancia” (barabutne 35,6%, a an o Ost regioni e themake si 44,6%)
Majbut natolerancia mujal o muslimania, Sinti thaj o Roma.
Konstatirinena na salde kaj isi generalno majbari diskriminacia mujal o strancia numa odoja diskriminacia majbut si reflektirimi mujal o muslimania, o Sinti thaj o Roma.
But zorale agresie isi akcentea mujal o Sinti thaj o Roma akcentirinel o Deker. Paše 60% taro anketirime sar egzamplo den suporto e notaciake kaj o Sinti thaj o Roma keren kriminali, so sikavel progresia taro 5% an i paralela e anglutno analizake so kergja pe an o 2014 berš.
Barili i stigmatizacia mujal o muslimania .
Aso i studia, 44% taro anketirime vakeren kaj trubul ma te mukhel pe e muslimanenge te aven an i Germania (an o 2014 berš – 36,5%). A buteder taro sako dujto anketirime (55,8%) vakerel kaj sebepi o muslimania po desavo drom hošinel pe sar stranco an i piri them (an o 2014 berš – 43%).
Link: https://www.dw.com/mk/%D0%B2%D0%BE
