Kaj o talenti po desavo drom si garavde so ni korkoro našti dikhel pe si sar ki terni 20 beršengiri Jelena Ačimović so namangle dikhlja kaj si but talentirmo zavaruvači.
I jelena si taro gav Veliki Crljen an i Srbia thaj dromargja i sasti lumia salde so si la talenti bašo zavaruvači. Oj an o 2016 berš pire ekipaja geli an o šampionati an o Peking – Kina kote resle trinto than.
Faktea kaj an i džuvljani kategoria oj sine jekhutno zavaruvači ikljola kaj si oj lumiakoro šampioni sar zavaruvači – džuvli.
Odova nane jekhutne sukcesi so reslja le bizi dive bukjarno angažmani numa salde prekal i škola thaj praktika thaj talenti.
– Sium sine an o nacinalno šampionatia so sine an i Kolubara, palo odova duj droma an i Slovakia ko Europakoro šampionato thaj an o Peking an o lumiakoro šampionati – vakerela i Jelena.
Oj piro talenti arakhlja le slučajno soske na sine la nisavi mangin te kerel i profesia -zavaruvači so si majbut sar “muršani” profesia.
