Pali agorutni notacia taro direktoro e Ofisoske baši statistika o Simovski kaj an o formularo bašo Popis e dizutnenge planirime an o April 2020 berš ma te ovel i grafa “etnikano preperutnipa” numa aso i čhib so i familia istemalkerela la sar piri “dajakiri čhib” thaj odole formaja ka definirinel pe savo etnikano preperutnipa si odoja familia.
Barabutno stavi thaj reakcia ko majbaro numero Romani populacia sar tari rig e NGO Romane sektorea thaj tari Romano NGO Platforma thaj an i asavki forma ka definirinel pe o pois e dizutnenge , ekstra an i Romani populacia an i R.Makedonia ka kerel pe nevo genocido upral o Roma.
Odoleske i Romani platforma taro NGO sektori bičhavgja rodaripe dži ko duj romane parlamentarno deputatia o Samka Ibraimovski thaj Amdi Bajram sar Romane membrora ko vakti e parlamentarno diskusienge akale kanoneske te den amandmano kote i grafa etnikane jekhinenge trubul an o Formulari Popisoske e dizutnenge an o 2020 berš.
Akava problemi si em e aver majtikne etnikane jekhinenge solea ka motivirinen pe te mobilizirinen pe o aver majtikne jekhina thaj e parlamentarno grupaja bašo Romane niamia thaj barabutne te den amandamania.
Ko odova interesi i Romani platforma taro NGO sektoro ko jekh ka ovel an o gotovs te del suporto akale procesoske.
